منتدى ابناء الطندب

منتدى ثقافى اجتماعى لمناقشة قضايا المنطقة وعكس وجهها الثقافى والاجتماعى المشرق وواحة نستظل بها ومنبر للتواصل
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 من وحي الغلابة-للشاعر عطا عمر سلمان

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
زكريا عبدالرازق
Admin
avatar

المساهمات : 102
تاريخ التسجيل : 06/04/2016

مُساهمةموضوع: من وحي الغلابة-للشاعر عطا عمر سلمان   الخميس أبريل 07, 2016 3:25 am

من وحى الغلابة هى مجموعة شعرية لشاعر المنطقة الشاعر المرهف عطا عمر سلمان وقد صاغها بمفردات تلج الى الوجدان دون استئذان لما فيها من البساطة والقوة
لذا ادعوكم للسياحة فى عالمه الجميل لنرتحل معه الى دنياوات العشق والاشوق
كانت محطتنا الاولى عود يامحمد وهى دعوة للفنان محمد ابراهيم حسن الشهير ب(ودالبلولة) الذى هاجر الى السعودية يدعوه فيها للعودة للاهل والنغم الطروب



عود يا محمد للديار
دى الغربة يا محمد ألم
لملم هديماتك تعال
ياحليلك البيت انهدم
أمك عمت بعدك خلاص
ملت الخشيم حرقة وألم
ما تهمل آ محمد رضاك
شان تبقى تاجر سيب وهم
دى الزوجة من بعدك شقت
فات منها العود والنغم
مات فيها صوت الحب زمان
لومه وشقاها عليك ختم
مسكينة تحسب فى الشهور
سهرانة لا ريد لا عشم
عود ليها يا محمد تعال
ارجوك تعال سيب البجم
عود لى وليداتك تعال
ده انت الانيس انت العشم
عود لى وايداتك تعال
منعول ابو العيش واللحم
دى الناس شبعانة بدون لحوم
ما شفت زول كتلو الجحم
وهدى البلاد مليانة عيش
وبرضو من دونو بنعيش
وإلهنا لا حاج لا حرم
عود لينا يامحمد تعال
ما تشكَر الغربة الهناك
ارجوك تعال سيب الغنم
عود لينا يا زهر الربيع
عود لينا ياعود الشمم
عود لى ربوع اهلك تعال
ادينا من عودك نغم
وأملنا يا محمد تعود
قبَال تفوت تصبح هرم
عود لينا يامحمد تعال
شتت ريالات السجم
واطرب مع النغم الجميل
رقَص بنيات العشم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://eltundop.almountadayat.com
زكريا عبدالرازق
Admin
avatar

المساهمات : 102
تاريخ التسجيل : 06/04/2016

مُساهمةموضوع: رد: من وحي الغلابة-للشاعر عطا عمر سلمان   الأحد أبريل 10, 2016 7:28 pm


زبول وردة

دي قصيدة صرخة في وش الزواج دون إكمال التعليم والناس امتحنت الشهادة وبكرة نسمع بت جابت 85 لكن اهﻻ قالوا احسن تزوج وتكون الكارثة ...

كانت زي وردة
زي عصفور مالياها الحته
سعيدة وساعدا الكون حوليها
ضحكة ورحمة ونور ومودة
تلبس زي ما تقول فنتاستك
تمشي سعادة بت أموره
ماليا الكون زي فجر تنفس
دعاش بلداتنا وكت ينشم
وفجأة يطل في الدنيا العارض
عريس ﻻ دين ﻻ دنيا تلمو
قدم نفسو عريس لي السمحة
أهل الوردة بدون ما يراعوا تموا الكارثة
تمت زيجة أبسط كلمة تقال اجحاف
عصب الدنيا يمين اتمزق
أنف الكون طﻻه رعاف
عيني الحلة انسدت وعميت
اضني اﻻرض طرشانة البته
وشوفوا الصار لي الكانت وردة
زبلت ضمه
وحيلا انهد
سكتت فيها الضحكه الحلوه
غابت من دنياها النغمة
وصارت بوم يا رب يا ساتر
ﻻ حس عافية
وﻻ لون زهرة
وﻻ حت نفحة تسر الخاطر
وفوق لي التم جاتنا مصيبة
عريس امبارح طلق وسافر
خلي الحلوة معزبة عزبة
معاها وليد مولود دون خاطر
تهدهد في أحزان الدنيا
تلاعب في أوهام يوم باكر
ولو حاولنا نلخص حاﻻ
نقول الكون مجبول علي ظلمة
نقول الكون ما فيهو عفيف
نقول والرب ما فيهو السفة
نقول الدنيا دي عالم زيف
آه يا فرحة محال تكتملي
الله يعوض رحم الخير
واصلو الدنيا عمار اﻵهة
وعمرو الزين مالاقي محلي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://eltundop.almountadayat.com
زكريا عبدالرازق
Admin
avatar

المساهمات : 102
تاريخ التسجيل : 06/04/2016

مُساهمةموضوع: رد: من وحي الغلابة-للشاعر عطا عمر سلمان   الخميس أبريل 14, 2016 4:25 pm


حروف شاردة

قالت:
إن كنت أحببت الجمال
فإنني
فالصبح صبحي
ومﻻمح اﻻضواء تكشف عن رضا
والعطر من نفسي فهاك شذاه
ﻻ تطرب
انظر إلي الليل الممد علي الجبين حباله
لتري الدجي
والبدر
واﻻشراق في عز الصبا
ﻻتكتفي
في مهجتي عبق يعطر كل ساحات الرضي
ويشيع عند الزاهدين سماحة الدنيا
وخرير جدولها الصبي اﻻخاذ
فالتنحني في راحتي مقبلا
رقا
وعطرا
واتساق
ولتفتخر فإنني قاسيت مثلك
فالهوي زل ودل واتحاد
مغرورة ولجينة مقصودتي
فعناق
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://eltundop.almountadayat.com
زكريا عبدالرازق
Admin
avatar

المساهمات : 102
تاريخ التسجيل : 06/04/2016

مُساهمةموضوع: رد: من وحي الغلابة-للشاعر عطا عمر سلمان   السبت أبريل 16, 2016 7:55 am

واعيش وسط الفريق دوبيت
أصيب مرة
واخيب مرات
ﻻ شبعت دواخلي سعادة ﻻ مليت من الآهات
أعيش بالنغمة والنمة
أعيش درويش مع النوبة
وارد دلوكة الجنيات
واكون سكير وكت تلزم
وأبرم شنبي لما تجد ضروريات
واعيش بي نيتي نية الخير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://eltundop.almountadayat.com
زكريا عبدالرازق
Admin
avatar

المساهمات : 102
تاريخ التسجيل : 06/04/2016

مُساهمةموضوع: رد: من وحي الغلابة-للشاعر عطا عمر سلمان   الجمعة أبريل 22, 2016 2:27 pm

أمونة فى منصة العقاب

أحبتى........................................
وعفتى يوما ستفتح الابواب دونما ضجيج
وعفتى يوما سيوضع المفتاح تحت.......
خوزة الهوى ونستريح....
فاليوم هناك فى ديارنا.....
يحرم الهوى... بلا سبب
هناك ينتطى كبيرنا جواده...العتيق
ليعلن الهلاك ضد من يبوح...
ويسكت الجميع....
يسكت الجميع الا فاجرا صعلوك
ومن يريد ان يكون فاجرا صعلوك؟
سوى أنا!!!!!!!
فى سبيل نظرةٍ فى خدها ابوح
ارفع راية التمرد......العصيبة
واحتمل عقوبة العصيان
ها...قد جاءنى الجلاد بسوطه الطويل
يضربنى.....يقهرنى.....يزلنى
آه......اوه......واىَ
وتعلن الهزيمة...
وتسقط المرفوعة القديمة
وتسرح النيران فى الهشيمة
وتمتلئ المنصة بالضجيج والصخب
ويعلن الجلاد فوزه المعروف
وبينما الجميع فى ضجيج
تحدث المفاجأة!!!
أمونة فى منصة العقاب تستشيط
وتعلن الابحار ضد موجة الجميع
وتعلن العصيان...
لا....لا....لاتظلمو حمدان
إنى أحبه...
أريده...
أهواه...
ودونه سألفظ الجميع
لا عمدة...لا غفير
أمير...او جلاد
اهواه دونما قيود
اهواه دافعى الهوى ونصرة المظلوم
واتكاءة الخريف
وضجت المنصة من جديد
وكلهم تساءلو؟؟؟
فى حيرة تساءلو؟؟؟
لعل زائر الاحلام زار خيمة الصبية
فأعلنت مجون!
أم انه الجنون؟؟؟
تأكد الجميع انه الغرام
رموها بالحجارة بالخصام
ستنتهى الحجارة
سينتهى الخصام
وبعده......
بعده سيعلن الغرام هناك فى مدينتى
حيث الجمال والعفاف والسلام
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://eltundop.almountadayat.com
زكريا عبدالرازق
Admin
avatar

المساهمات : 102
تاريخ التسجيل : 06/04/2016

مُساهمةموضوع: رد: من وحي الغلابة-للشاعر عطا عمر سلمان   الجمعة يونيو 03, 2016 9:39 pm

الخليفة الفاضل

عزرا....
قد فاتنا فى حبك الكثير
الرفقة والدروس
وابتسامة خجولة فحواها
كل خير....
قد ضاع من تراثنا قمرا سطوعا
حالما لزم السماء واضاء كل دير
العفة فى حشاها كان لجة
والصدق والاباء والضمير
كان العطاء شامخا مسترسلا
والفقه والايواء والاكثير
مازال فى تاريخه ملامحا
لم تصفح الايام فضلها الكبير
قالوا لنا لقد كان حلما نادرا
وكان سمحا فاضلا
يجود بالصغير والكبير
قالوا لنا قد كان نورا ساطعا
اضاء عتمةً موروثة وذلةً وضير
قصوا لنا عن صبره
وخيره الوفير
ماكان لحنا ناشذا
او كان فجرا كاذبا
ماكان ماء الشمس فى الظهير
عهدته والكل يثنى حجتى
لحنا طروبا صادقا فخور
رأيته صبحا نديا حالما
يقصى الظلام مبعدا وينعش الزهور
احسسته ماءا طهورا طاهرا
يروى الظمئ ويذهب القصور
احقا جئتمو لترجعوا زكر
ولىٍ صالح منصور
هل ياترع عزمتمو ان تظهروا
وفاءكم لشيخنا وليثنا الهصور؟
ان الوفاء لمعة وصبغة
جميلة ونور
لاتذهبو بريقها بالفوضى
والاهمال والنفور
تعقبو طريق شيخكم
تحسسوا آثارهم تبقى مدى الدهور
فى ابنهم لها صدى
فى بنتهم لها شذى
فى الاهل فى الحيران فى الجزور
فشيخنا والفضل للاله والرسول
قد كان سنة مضيئة
وروعةُ تسابق العصور
ماغاب عن اوراده للحظة
ولا هوى الدنيئة والدثور
ماكان صاخبا او لاعبا
كان الفقيه صامتا وعابدا شكور
فالتنهلوا من شيخكم
ولتفرحوا بيومكم ولتظهروا السرور
فاننا عشاق شيخ عالمٍ وعامل
وحجة تقارع الجهَال والغرور
وختمنا احبتى بالفارس المغوار
سيدنا الرسول
خير البرية مطلقا وحاميها
يوم انطواء الارض والقبور
محمد اصل الهوى ونبعه
وملهم الاحساس والشعور
صلى عليه الله ماهبَت صبى
وغردت ورقاء وانداح السرور

عطا عمر سلمان
الطندب-2009
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://eltundop.almountadayat.com
زكريا عبدالرازق
Admin
avatar

المساهمات : 102
تاريخ التسجيل : 06/04/2016

مُساهمةموضوع: رد: من وحي الغلابة-للشاعر عطا عمر سلمان   الجمعة أكتوبر 28, 2016 10:51 pm

الغالى

عشقى ليك عشقا عتيق
لا بتكتب..لا بتوصف
عشق المزارع للجرف
عشق الدراويش للطبول
وكتين ترن قداما راياتا ترف
عشق السقيم للعافية ما اظن يتوصف
انت الطبيب يا ريت تداوينى واخف
انت الطبيب ارسل عشم
خلى الدموع تعدم تجف
ارسل شعاع من الامل
ينشلنى من المى واخف
سلط على امل الاديب
لما يمسك قلمو ويصف
ويحلف قسم لازم يخط اخر حرف
لكنى آه....
عارفك عنيد ما بترسل الكلمات
تقول غلطان وقلبى عليك اسف
ما بتنزع الاحرام..
تقول كيفنو حال المنعصف
من قلبى متأكد تمام
حبك صعيب ما بتقطف
والله متأكد تمام
لا بشفى قلبى الجنً بيك
لا نفسى يوم تقدر تعف
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://eltundop.almountadayat.com
 
من وحي الغلابة-للشاعر عطا عمر سلمان
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى ابناء الطندب :: المنتدى الأدبى :: الشعر والخواطر-
انتقل الى: