منتدى ابناء الطندب

منتدى ثقافى اجتماعى لمناقشة قضايا المنطقة وعكس وجهها الثقافى والاجتماعى المشرق وواحة نستظل بها ومنبر للتواصل
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 زكريات الطفولة والزمن الجميل

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
زكريا عبدالرازق
Admin
avatar

المساهمات : 102
تاريخ التسجيل : 06/04/2016

مُساهمةموضوع: زكريات الطفولة والزمن الجميل   الخميس أبريل 27, 2017 2:52 am

ياطالع الشجره
جيب لى معاك بقره
تحلب وتدينى بالملعقه الصينى
الملعقه اتكسرت يامين يربينى
طلعت بيت الله
لقيت حبيب الله
قاعدله فى بنبر
تحته حمام اخضر
بلقط السكر
ياريتنى لو ضقته
حتى النبى زرته .

***********
يا ا م احمد دقى المحلب
فى توب احمد
احمد غايب فى الركايب
جانا كلب سننوا صفر
حلب الناقه الفى الشنقاقه
ترب ترب يا جنى العرب
بتحبى امك ولا ابوك

********

المنديل جوه الصندوق
والصندوق عاوز المفتاح
والمفتاح عندا النجار
والنجار عاوز عروس
والعروس عاوزه الولد
والولد عاوز الحليب
والحليب عندا البقر
والبقر عاوز الحشيش
والحشيش عاوز المطر
والمطر عند ربنا
ربنا جيب المطر
يا كديسه سكى الفار
يامحمد يانجار
التنق تنقا الفار
الصلح النجار
ما بنوم الليل
من كلا م الخير

*************
هلا هلا يا هلا الباص اتملى
اركب بوين
اركب بورى
ورى الرجل قدام النسوان
العنده قرش يركب مرسديس
العنده قرشين اركب باص حسين
العنده تلاته اركب باص فلاته .

*************
الفات الفات فى ديله سبع لفات
والجبة وقعت فى البير
وصاحبها واحد خنزير
والهون ضرب التلفون
والعسكر واقف طابور على جيبه واحد مليم

*************
عم على بياع الزيت
ساق مرته وداها البيت
وفى البيت عامل زعلان
وغنمايته مربوطه فى خيط
وفى البيت عامل زعلان
وفى القهوه شارب فنجان
وبالبنبر وقع اتفنقل

*************

فتحاى ياورده
غماضى ياورده
هنا احمر
هنا اسود
هنا كعكه
فستانى الجديد عند المكوجى
فستانى القديم مركون فى الدولاب
مهلابيه بابا قالى عدى حتى ميه
عشره عشرين تلاتين اربعبين
خمسين ستين سبعين تمنين
تسعين ميه
نطوا علينا حراميه سرقوا الجبنه والطعميه
كلو باميه القطه العاميه سرقت قميصى الانجليزى
عسكر فوق وعسكر تحت اطلع بره ياحرامى الكعك
مين مين مين الحرامى السرق الروب
انا سرقوا ومن سرقوا هذا سرقو انا سرقو

**************
لما كنته صغيره بلعب فى التراب
ماما لبستنى الجزمه والشراب
مشيت للافندى ادانى كتاب
قليه اقرى عربى كتبت حساب
والمزيكا تضرب
والكشافه تكشف
ناكل ايه ناكل عجوه
نشرب ايه نشرب قهوه
نضحك كيف ههههه
نبكى كيف اىىىىىى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://eltundop.almountadayat.com
 
زكريات الطفولة والزمن الجميل
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى ابناء الطندب :: الفئة الأولى :: عالم الطفولة-
انتقل الى: